Në Kosovë deri më tani, janë shënuar 71 raste me koronavirus, njëri nga ta ka vdekur, por krahas këtyre 71 personave që tashmë janë konfirmuar si të prekur me Covid-19, ka të atillë të cilët janë duke ia dalë shumë mirë me gjithë procesin e rikuperimit shëndetësor dhe janë duke u shëruar nga koronavirusi.

Meritat kryesore për këtë fakt shkojnë për ekipet mjekësore të Klinikes Infektive, të cilët qysh nga dita e parë kanë qenë të gatshëm të ushtrojnë detyrën e tyre në mënyre të përsosur.

Përpos ekipit mjekësor të kësaj klinike, ka pasur edhe mjek të cilët u janë bashkuar në mënyrë vullnetare për t’ju dalë në ndihmë pacientëve të prekur me Covid-19.

Njëri ndër këta mjek është dr. Donjet Bislimi, po ashtu edhe zyrtar i PDK-së i cili i është bashkuar kësaj ekipe.

Bislimi në llogarinë e vet në “Facebook, ka shpërndarë edhe një selfie ku shihen shenjat në fytyrë me masat mbrojtës.