Gianluiggi Donnarumma mbetet lideri i Milanit. Kontrata e portierit skadon në vitin 2021 dhe nuk dihet nëse do të rinovojë. Zërat e merkatos asin për një kalim të tij te PSG dhe Chelsea, por nuk dihet se si do të jetë e ardhmja.

“Gardiani i Djallit” në fakt ka lëshuar një koment interesant ku shpreh dashurinë e tij për Milanin. “Ngjyrat kuqezi kanë një rëndësi të madhe, jam rritur me to. Kam qenë gjithmonë tifoz i Milanit dhe do të jap gjithçka për këtë fanellë”, ka thënë Donnarumma.

“Sulmuesi më i rrezikshëm që jam përballur? Mund të them Cristiano Ronaldo. Kam luajtur kundër sulmuesve të mëdhenj, por Ronaldo më ka frikësuar më shumë”, ka deklaruar Donnarumma.