“Boeing”-u ka njoftuar që shefi ekzekutiv i saj, Dennis Muilenburg, do të dorëhiqet, një ndryshim për të cilin nga kompania thanë se ishte i domosdoshëm për të rikthyer besimin.

David Calhoun, kryetari i saj aktual, do të marrë përsipër detyrën si shef ekzekutiv dhe president nga 13 janari.

Muilenburgu ishte përballur me thirrje për dorëheqjen e tij lidhur me përgjigjen e kompanisë ndaj dy përplasjeve vdekjeprurëse që përfshinin aeroplanin më të shitur të kompanisë, “737 Max”.

Aeroplanët e këtij lloji janë ndaluar nga fluturimi që nga muaji mars

Javën e kaluar, “Boeing”-u ka thënë se do të ndalonte prodhimin e aeroplanit ndërsa priste rregullatorët të vërtetonin sigurinë e avionit.