Borussia Dortmund nuk e ka ndërmend të heq dorë nga Erling Haaland edhe përkundër asaj që Chelsea ka ofruar 175 milionë euro.

“Sky Sport” raporton se klubi gjerman e ka refuzuar ofertën e parë duke i bërë të qartë londinezëve se nuk kanë ndërmend të shesin sulmuesin norvegjez. Në këtë kushte verdhezinjtë rrezikojnë ta humbasin sezonin e ardhshëm për 80 milionë euro, aq sa është klauzola, por nga kjo lëvizje edhe Mino Raiola, agjenti i tij, kërkon 40 milionë euro komision, në këto kushte transferimi i Haaland tek blutë bëhet thuajse i pamundur.

Në anën tjetër, Chelsea kërkon me çdo kusht një qendërsulmues për sezonin, për këtë arsye kanë kthyer vështrimin nga dy gjigantë të tjerë, Romelu Lukaku dhe Harry Kane.