Drejtori i Barcelonës: Kloppi trajner madhështor, herët të flasim për këtë çështje
Trajneri Xavi Hernandez do të largohet nga Barcelona në fundin e sezonit. Njësoj do të veprojë edhe Jurgen Klopp me Liverpoolin.
Në shtypin spanjoll ka filluar të qarkullojë emri i 56-vjeçarit nga Stuttgarti si trajneri i ardhshëm i skuadrës katalanase.
Në lidhje me emërimin e Kloppit në stolin e Barcelonës, Deco, drejtori sportiv i kampionëve në fuqi të Spanjës.
“Klopp është një trajner madhështor, por nuk mendoj se është momenti i duhur për të folur për këtë çështje. Kemi disa alternativa në lidhje me pasardhësin e Xavit. Do të diskutojmë më vonë rreth trajnerit tonë të ri”, u shpreh portugezi. Shumë emra përfliten, por gjermani është një ndër të preferuarit e tifozëve katalanas, të cilët shpresojnë që të jetë ai tekniku i ri i skuadrës së zemrës.