Me rastin e 15-vjetorit të pavarësisë drejtori i përgjithshëm sot ndau mirënjohje për 22 oficerë doganorë të cilët kanë dhënë kontribute të veçanta në performancat e tyre.

Komisioni i ngritur nga drejtori i përgjithshëm ka identifikuar oficerët doganorë të cilët gjatë tërë vitit kanë dhënë kontribut në përmbushjen e detyrave si dhe tejkalimin e tyre.

Drejtori i përgjithshëm i Doganës, Agron Llugaliu, ka theksuar se: “Ju jeni zgjedhur pasi që keni arritur sukses në fusha të caktuara doganore, keni dëshmuar performancë të lartë në kryerjen e detyrave si dhe përkushtim për parandalim dhe luftim të veprimeve të jashtëligjshme”

Ai ka kërkuar nga oficerët doganorë të vazhdojnë në kryerjen e detyrave me përkushtimin ashtu edhe gjatë këtij viti.