Drejtori i Ferrarit: Në Austri dua fitoren dhe jo ankesa në pistë

27 qershor 2024 | 11:20

Pas dy të dielave anonime, Ferrari dëshiron të buzëqeshë sërish. Këtë fundjavë do të garohet në Austri, një pistë që normalisht i përshtatet “kokëkuqes”, me Charles Leclerc që ka dalë fitues këtu në vitin 2022 dhe Ferrari ka ngjitur gjithnjë një pilot në podium.

Gara e fundit në Spanjë pati disa përplasje mes pilotëve të makinës italiane, ndaj drejtori sportiv Frederic Vasseur ka kërkuar qetësi.

“Si ekip, duke përfshirë edhe pilotët, duhet të bëjmë një hap për t’u siguruar që të mos lëmë asnjë mundësi në rrugë. Si në provat zyrtare, garën sprint apo në garën normale”, ka thënë Vasseur.

“Në Austri dua të shoh një ndryshim të ritmit dhe jo ankesa në pistë. Përditësimet e prezantuara në garën e fundit funksionuan siç pritej, por ne pamë se si rivalët tanë nuk rrinë duarkryq dhe se si për momentin janë katër skuadra në një hapësirë më pak se tre të dhjetat”, ka shtuar më tej francezi. “Tani do të shkojmë në Austri, një pistë që mund të mbulohet në pak më shumë se një minutë, në të cilën këto boshllëqe tashmë të ngushta do të ngushtohen edhe më shumë. Duhet të përqendrohemi shumë te vetja, sepse në Spielberg çdo detaj do të bëjë diferencën”, ka deklaruar Vasseur.

Lajme të sponsorizuara

Të fundit
Ylli i madh i Gjeorgjisë, Kvicha Kvaratskhelia ka folur pas…