Drejtori i Leipzigut: Nkunku në verë do të jetë lojtar i Chelseat
17 janar 2023
| 14:10
Christopher Nkunku do të jetë lojtar i Chelseat në verë. Këtë lajm e ka konfirmuar drejtori sportiv i Leipzigut, Max Eberl. Duke folur për “Bild TV”, Eberl theksoi se Nkunku do të bashkohet me “blutë” e Londrës.
“Për fat të keq me Christopher Nkunku jam mjaft i qartë, do bashkohet në verë me Chelsean”, ka deklaruar drejtori sportiv i Leipzigut. Kështu skuadra e Potter do të përforcohet edhe më shumë, ku pas Mudryk që u zyrtarizua të dielën, në verë të tjetër sulmues pritet të jetë pjesë e këtij ekipi.