Në ambientet e Drejtorisë së Përgjithshme të Policisë së Kosovës ushtruesi i detyrës së drejtorit të Përgjithshëm të Policisë së Kosovës, Fehmi Hoti, ka pritur në një takim zyrtar ambasadorin e Republikës së Shqipërisë, Qemal Minxhozi.

Gjatë këtij takimi u diskutua rreth forcimit të bashkëpunimit dhe partneritetit reciprok në mes të Policisë së Kosovës dhe Ambasadës së Shqipërisë, ku qëllimi i dyanshëm i palëve është avancimi i mëtutjeshëm i bashkëpunimit.