Drejtori i Drejtorisë për Kulturë, Rini dhe Sport, Fitim Shala, në kuadër të aktiviteteve të drejtorisë që e drejton, ka vizituar stadiumin e qytetit  “Liman Gegaj” në Malishevë me qëllim të njoftimit me punimet që janë duke u realizuar në stadiumin e qytetit, përkatësisht ndërtimin e tribunave dhe zhveshtoreve në stadium.

Drejtori Shala ka kërkuar nga operatori që t’i shtojë punimet për ndërtimin e zhveshtoreve dhe pjesës së tribunës me qëllim të krijimit të kushteve sa më të mira dhe sipas standardeve të kërkuara për zhvillimin e garave sportive.

Stadiumi i qytetit “Liman Gegaj” në Malishevë, krahas fushës së futbollit, i ka edhe stazat e atletikës, prandaj zgjerimi me tribuna, zhveshtoret dhe hapësira tjetër, janë të nevojshme në këtë stadium.