Komuna e Prizrenit, respektivisht Drejtoria e Turizmit dhe Zhvillimit Ekonomik, përsëri ka filluar kurset për aftësim për zanate dhe punime dore, kurset do të mbahen në fushat e dizajnit për veshje, mefrushat, djegie në dru, reliev në letër, dizajnimi i bizhuterive dhe qëndisje në fjongo.

“Të drejtë aplikimi kanë të gjithë vajzat dhe gratë, nga mosha 18 deri në moshën 45 vjeç. Të gjithë aplikuesit/et kanë të drejtë të jenë pjesëmarrës/e vetëm në një lloj të kursit. Aplikimet për këto kurse do të pranohen në zyrat e Drejtorisë së Turizmit dhe Zhvillimit Ekonomik”, ka njoftuar Komuna e Prizrenit.