Drejtuesit e Federatës së Futbollit të Kosovës, kryetari Agim Ademi dhe sekretari i përgjithshëm, Eroll Salihu e kanë takuar ish-futbollistin e gjeneratës së artë të Prishtinës, Xhevdet Muriqin.

FFK-ja ka njoftuar se gjatë këtij takimi përveç kujtimeve të përbashkëta për futbollin e viteve të 80-ta, ata, diskutuan edhe për futbollin e tanishëm si dhe për sukseset që po i arrin Përfaqësuesja e Kosovës.

Ish-futbollisti i Prishtinës përgëzoi drejtuesit e FFK-së për punën e bërë, duke uruar vazhdimin e serisë pozitive për “Dardanët” në ndeshjet e ciklit kualifikues për “Euro 2020”.

/Epoka e re/