Kryetari i Gjykatës Supreme, Fejzullah Rexhepi, Kryesuesi Albert Zogaj dhe Kryetari i Komisionit për monitorimin, vlerësimin dhe raportimin e Planit Strategjik për Përmirësimin e Qasjes në Drejtësi si dhe Planit Strategjik për zgjidhjen efikase të lëndëve të korrupsionit dhe krimit të organizuar, Afrim Shala, kanë vizituar Gjykatën Themelore Mitrovicë dhe degët Vushtrri e Skenderaj.

Kryetari i Gjykatës Supreme, Fejzullah Rexhepi, Kryesuesi i Këshillit Gjyqësor të Kosovës, Albert Zogaj, Kryetari i Komisionit për monitorimin, vlerësimin dhe raportimin e Planit Strategjik për Përmirësimin e Qasjes në Drejtësi 2022 – 2025, si dhe Planit Strategjik për zgjidhjen efikase të lëndëve të korrupsionit dhe krimit të organizuar 2025 – 2027, Afrim Shala dhe drejtori i Përgjithshëm i Sekretariatit të KGJK-së, Shkelzen Maliqi, kanë vizituar sot Gjykatën Themelore në Mitrovicë, me ç’rast janë pritur nga U.D i Kryetarit të kësaj gjykate, Bekim Veliqi së bashku me të gjithë gjyqtarët.

U.D i Kryetarit të Gjykatës Themelore Mitrovicë i njoftoj me ecurinë e punës si dhe me angazhimet e gjyqtarëve të deparamenteve të ndryshme, që kanë rezultuar me sukseset që Gjykata ka shënuar në tremujorin e pare të këtij viti, në krahasim me periudhën e njejtë të vitit të kaluar.Përkundër sfidave të njohura, Gjykata Themelore Mitrovicë me degë, në vitin 2024 ka përformuar me shkallë të efikasiteti prej 112%, me 20,203 lëndë të kryera e 9243 vendimet gjyqësore të publikuara. U.D i Kryetarit të Gjykatës, u zotua që do të vazhdohet të punohet me ritmin e njejtë duke zbatuar planet strategjike të miratuara  nga KGJK, në veçanti atë për Përmirësimin e Qasjes në Drejtësi si dhe Planin Strategjik për zgjidhjen e lëndëve të korrupsionit dhe krimit të organizuar.

Gjatë takimit në Gjykatën Themelore në Mitrovicë, kryetari Rexhepi vlersojë lartë angazhimin e gjyqtarëve në kryerjen e lëndëve dhe theksoi nevojën e organizimit të një punëtorie të përbashkët brenda Gjykatës Supreme, ku do të adresohen të githa çështjet që kërkojnë zgjidhje më qëllim të ngritjes së efikasitetit.

Kryesuesi Zogaj ka diskutuar për zbatimin e efikasitetit të punës në gjykatë nëpër departamente të ndryshme, zbatimit të planeve strategjike të KGJK-së si dhe për rezultatet dhe sfidat me të cilat është duke u përballur kjo gjykatë, duke kërkuar angazhim shtesë në trajtimin e lëndëve, më qëllim që të jemi më afër qytetarëve duke ju ofruar shërbime efikase dhe për rritjen e transparencës përmes publikimeve të vendimeve gjyqësore dhe seancave gjyqësore.Gjithashtu kërkojë mobilizim për të ngitur kualitetin e të dhënave, për të arritur procesin e barazimit të lëndëve si një nga çështjet që kërkon angazhim maksimal.Kryesuesi Zogaj, ka theksuar se do të jetë në shërbim të plotë për të ofruar mbështetjen e Këshillit Gjyqësor të Kosovës, me qëllim që kjo gjykatë dhe degët e saj t’i arrijnë objektivat e veta.

Kryetari i Komisionit për monitorimin, vlerësimin dhe raportimin e Planit Strategjik për Përmirësimin e Qasjes në Drejtësi si dhe Planit Strategjik për zgjidhjen efikase të lëndëve të korrupsionit dhe krimit të organizuar Afrim Shala, vuri theksin në zgjidhjen e lëndëve të vjetra dhe veprimet që duhet marr lidhur me këto lëndë për të shmangur parashkrimin.

Vizita është shfytëzuar për njoftimin nga afër me dinamikën e punimeve që janë duke u kryer në objektin e gjykatës në jug të qytetit si dhe është vizituar arkiva e gjykatës në objektin në veri.