Drenica Futsal ka njoftuar se ka arritur marrëveshje të re me lojtarin e njohur Mentor Mejzini, i cili ka vendosur të djersitë fanellën kuqezi edhe në të ardhmen.

“Pas kontributit të tij të jashtëzakonshëm në kampionatin që lamë pas, është një gjë e shënuar që ai ka vendosur të vazhdojë bashkëpunimin me Drenicën. ‘Lata’, përveç cilësive si lojtar, ai gjithashtu shquhet për etikën e punës së tij, profesionalizmin dhe përkushtimin ndaj ekipit. Me vendosmërinë e tij për të përmbushur objektivat e klubit, besojmë se Mentor Mejzini do të vazhdojë të na frymëzojë dhe të na ndihmojë të arrijmë objektivat e klubit”, thuhet në njoftimin klubit të Drenicës në futsall.