![](https://www.epokaere.com/wp-content/uploads/2021/11/kf-drenica-1.jpg)
Drenica kërkon pikët e plota kundër Llapit
23 nëntor 2021
| 17:57
BKT Superliga e Kosovës në futboll zhvillon këtë mesjavë ndeshjet e xhiros së 15-të.
Drenica në kërkim të rikthimit tek fitorja në “Bajram Aliu” pret Llapin të mërkurën me fillim nga ora 13:00.
Drenica javëve të fundit nuk po kalon në një formë të mirë teksa ka humbur tre ndeshjet e fundit, kurse llapjanët në tre ndeshjet e fundit kanë marrë tre fitore, ku fitorja e fundit ishte kundër Ballkanit me përmbysje të jashtëzakonshme.
Në pesë ndeshjet e fundit në Skenderaj, Drenica ka marrë dy fitore kurse Llapi ka marrë tre të tilla.
Kjo ndeshje zakonisht prodhon shumë gola teksa asnjë nga 10 ndeshjet e fundit nuk ka përfunduar pa gola.
Në këto 10 ndeshje janë shënuar plotë 26 gola, ku 14 gola kanë shënuar drenicasit, kurse llapjanët 12 sosh.