Drenica transferon Avdullin dhe Arrabalin
KF Drenica ka njoftuar se ka arritur marrëveshje me dyshen e Arbërisë, Qlirim Avdulli dhe Bruno Arrabal Passamani. Mbrojtësi Avdulli është bashkuar me skuadrën kuqezi, ndërsa Arrabal do të bashkohet sapo të kompletojë dokumentacionin.
“Skuadra në ditët e fundit të afatit kalimtar ka arritur marrëveshje me mbrojtësin e krahut të majtë, Qlirim Avdulli. Lojtari ferizajas do të mbrojë ngjyrat kuq e zi, pasi ka nënshkruar kontratë një (1) vjeçare, me mundësi vazhdimi. Lojtari me parë ishte bashkuar më ekipin dhe është i gatshëm për edicionin e ri që do të nis këtë fundjavë. Ndërkohë mesfushori me tipare mbrojtëse, Bruno Arrabal Passamani ka nënshkruar kontratë me klubin deri në përfundim të edicionit 2021/22. I njëjti do të bashkohet më skuadrën sapo të kompletojë dokumentacionin, pasi lojtari momentalisht gjendet në Brazil”, thuhet në njoftimin e KF Drenica.
Ndeshjen e parë skuadra kuqezi nga Skenderaj do ta zhvillojë kundër SC Gjilani.