Drita dhe Ballkani përballen sot në Gjilan
07 maj 2023
| 08:53
Xhiroja e 33-të në Albi Mall Superligë ka nisur ditën e shtunë me Dukagjinin që mposhti Malishevën 1-0 dhe Trepça ’89 triumfoi përballë Drenicës 3-1.
Sot (e diel) në program janë tri supersfida të tjera.
Padyshim që vëmendja e të gjithë adhuruesve të futbollit është në Gjilan, ku dy skuadrat e para në tabelë, Drita dhe Ballkani, përballen me njëra-tjetrën.
Bardhekaltërtit janë të parët në renditje me 66 pikë, tri më shumë se Ballkani që zë vendin e dytë, kur kanë mbetur edhe katër ndeshje deri në fund të këtij sezoni.
Si vendasit ashtu edhe mysafirët kërkojnë fitoren, me Dritën që me tri pikë do ta afronin shumë te titulli.