Drita e Gjilanit ka vazhduar ecurinë pozitive në Superligën e Kosovës në hendboll. Të mërkurën mbrëma në palestrën në Vushtrri, Drita fitoi ndaj Samadrexhës me rezultat të lartë, 41:22. Pas pjesës së parë rezultat ishte 21:12 në të mirë të gjilanasve. Dallimi në cilësi në mes të skuadrave ishte i madh dhe kështu në fund fitorja e Dritës ishte mjaft e lartë. Kjo ishte ndeshje e mbetur e javës së tretë të Superligës.

Drita i është bashkuar Kastriotit si skuadrat e vetme që i kanë fituar katër ndeshjet e para.  E ndajnë vendin e parë në tabelë. Vetëm fitore ka edhe kampioni aktual, Besa Famgas, por që nuk e ka luajtur ende ndeshjen e javës së katërt ndaj Zhegrës, për shkak të angazhimeve në skenën evropiane.

Për Samadrexhën ishte disfata e katërt.