Në stadiumin ‘Rexhep Rexhepi’, Drita ka arritur ta mposhtë Feronikelin me përmbysje.

Kampionët në fuqi e kanë gjetur veten në disavantazh pas golit të Mendurim Hotit, gol ky që u shënua qysh në minutën e 20 të takimit.

Drita arriti të reagonte vetëm në minutën e 53, kur Astrit Fazliu shfrytëzoi mirë asistimin e Erjon Vucaj, për barazimin 1:1.

Përmbysjen e Feronikelit e bëri Kastriot Rexha, kur në minutën e 68 e shfrytëzoi asistimin e Xhevdet Shabanit.

Me këtë fitore, Drita numëron 6 pikë në dy ndeshje, kurse Feronikeli pas pesë ndeshjeve mbetet me pesë pikë.