Njëzetë pikë është dallimi në mes të Dritës së Vëllaznimit, por sot këto skuadra kanë synime të mëdha në ndeshjen që zhvillohet në Gjilan. Kryesuesit e elitës kërkojnë tri pikët e plota, kurse kuqezinjtë nuk duan të dalin pa pikë nga kjo ndeshje. Në orën 13:00 në stadiumin “Përparim Thaçi” zhvillohet edhe ndeshja tjetër e kësaj xhiroje në mes të Lirisë dhe Feronikelit.

Dy  fitore  në sezonin  pranveror  dhe  marrja  e kryesimit  në  Vala  Superligë  e kanë    motivuar    skuadrën    e Dritës nga Gjilani që të vazhdojë  me  fitore  edhe  në  ndeshjet  e radhës. Sulmuesi Kastriot Rexha ka  thënë  të  premten  për  gazetë se  Drita  synon  fitoren  e  tretë ndaj  Vëllaznimit  nga  Gjakova.

“Për ne kjo është një lojë shumë e  rëndësishme,  por  edhe  ndër më  të  vështirat  për  faktin  se kushtet në stadium nuk janë në nivel.  Terreni  është  i  rënduar nga  bora  dhe  balta,  prandaj  ne futbollistët  nuk  do  ta  kemi  të lehtë  ta  zhvillojmë  lojën  tonë. Përndryshe,  jemi  të  përgatitur dhe   duam   fitoren   e   radhës,
sepse   vetëm   kjo   është   rruga drejt  objektivit  kryesor  që  është titulli  i  kampiones”,  ka  thënë Rexha,  i  cili  deri  tash  ka  realizuar shtatë gola në elitë.

Ndryshe  nga  Drita,  Vëllaznimi nga   dy   ndeshjet   e   para   në sezonin pranveror ka regjistruar një  humbje  dhe  një  barazim, por  në  këtë  ndeshje  synon  një tjetër  rezultat  pozitiv  që  i  jep mundësinë për t’i ikur edhe më shumë     zonës     së     barazhit. Shtylla   e   mbrojtjes   së   ekipit kuqezi,   Alban   Dragusha,   ka vlerësuar  se  pozita  në  të  cilën gjendet  skuadra  gjakovare  nuk është  reale.

“E  mira  për  këtë ndeshje është se nuk kemi asnjë mungesë,  kurse  jemi  munduar të  përgatitemi  si  për  të  gjitha ndeshjet  e  tjera.  Drita  është  një ndër dy-tri ekipet më të mira në vend  dhe  është  e  vështirë  gjithmonë  të  luash  kundër  saj.  Ajo kërkon  pikët  që  e  mbajnë  në garën  për  titull,  kurse  neve  na duhen pikët për t’i ikur zonës së barazhit.  Me  këtë  rast  mund  të them  se  pozita  ku  jemi  aktualisht     nuk     është     reale     për Vëllaznimin”, ka thënë Dragusha për “Epokën e re”.

Drita  është  e  para  në  tabelë  me 36  pikë,  kurse  Vëllaznimi  renditet  në  pozitën  e  nëntë  me  26 pikë. Përveç kësaj ndeshje, sot (e premte)  zhvillohet  edhe  ndeshja  në  mes  të  Lirisë  së  Prizrenit dhe Feronikelit nga Drenasi.

(Veton ZYMBERI)