Skuadra e Dritës e ka nisur mirë edicionin e ri të futbollit në BKT Superligë, pasi është e dyta në renditjen tabelore me pikë të barabarta me Ballkanin.

Ndeshjen e radhës skuadra e Dritës e zhvillon me rivalin lokal, Gjilanin, në kuadër të javës së gjashtë të elitës.

Rron Broja ka thënë për “Epokën e re” se synimi i skuadrës nënkampione në këtë ndeshje është rezultati pozitiv.

“Si gjithmonë do të jetë një ndeshje derbi e vështirë për të dyja skuadrat. Ne jemi duke u përgatitur dhe shpresojmë që të dalim me rezultat pozitiv”, ka deklaruar Broja.

/Veton ZYMBERI/