Skuadra lidere e Superligës, Drita nga Gjilani, vazhdon rrugëtimin drejt titullit të kampiones në IPKO Superligë. Të enjten në Gjilan e ka mposhtur kampionin në fuqi të Superligës, Feronikelin (2-1).

Erjon Vucaj ka shënuar në pjesën e parë për rezultatin 1-0, kurse njëmbëdhjetë minuta pasi ka filluar pjesa e dytë mysafirët kanë barazuar nëpërmjet Besmir Bojkut. Në minutën e 67 Fidan Gërbeshi e ka rikthyer epërsinë e vendësve me golin e shënuar nga penalltia.

Pas tri pikëve të reja, Drita është e para me 64 pikë të grumbulluara, kurse “Nikli” zë vendin e pestë me 44 pikë.

IPKO Superliga

Drita – Feronikeli                      2-1
Trepça ’89 – Vushtrria             1-1
Flamurtari – Dukagjini            4-3
Gjilani – Prishtina                     2-1
Ballkani – Llapi                          5-1
Drenica – Ferizaj                       3-0

(V.Z / Epoka e re)