Sot janë zhvilluar tri ndeshjet e tjera të javës së 8-të në BKT Superligën e Kosovës në futboll.

Derbi i kësaj jave ndërmjet Dritës dhe Prishtinës është mbyllur pa fitues dhe pa gola.

Ndeshja e zhvilluar të dielën në stadiumin e qytetit në Gjilan, nuk dha lojën që pritej prej këtyre dy skuadrave dhe si rrjedhojë edhe rastet për gol ishin të pakta. Ky ishte barazimi i tretë për Dritën në këtë edicion, derisa për Prishtinën barazimi i katërt.

Ndërkohë, Llapi e ka shënuar fitoren e parë në këtë edicion, duke e mundur Dukagjinin në Merdar, me rezultat 1:0. Golin e tri pikëve të rëndësishme për llapjanët e realizoi meksikani Francisco Rivera, në minutën e 12-të me gjuajtje me kokë pas harkimit të Bujar Idrizit. Përkundër kësaj fitoreje, Llapi mbetet ende në pozitën e fundit me 6 pikë.

Fitore para tifozëve të vet dhe me të njëjtin rezultat ka arritur edhe Feronikeli, që e ka mundur Ulpianën. Golin e vetëm të këtij takimi e realizoi Drilon Leka, në minutën e 26-të.