Skuadra e Dritës ka pësuar humbjen e parë në fazën përgatitore që po e kryen në Antalia të Turqisë.

Drita, të dielën është mposhtur nga skuadra e Ukrainës, Chernomorets me rezultatin 3:1, ku golin e vetëm për gjilanasit e ka realizuar Kastriot Selmani në minutën e 72-të.

Para Chernomoretsit, Drita në Antalia ka zhvilluar edhe tri miqësore tjera, duke regjistruar një fitore dhe dy barazim.

Ka mposhtur Jetisyn 1:0, përpara se të barazoj me Dobrudzhan 0:0 dhe Iberian 1999 1:1.

Ndeshjen e pestë dhe të fundit kontrolluese në Turqi, Drita e luan të hënën (nesër), ku do të përballet me ekipin nga Hungaria, Kispest Honved.