Shkruan: Astrit Gashi

Në një kohë kur shoqëria jonë gjendet mes sfidave dhe ndryshimeve të mëdha, disa gjeste mbeten të përjetshme si shenja e një vetëdijeje që e kapërcen kohën. Zbulimi i pllakës përkujtimore të Drita Sahitit nuk është thjesht një nderim për të kaluarën, por një përkujtim i përhershëm se sakrifica dhe idealizmi janë gurët themeltarë mbi të cilët ndërtohet e ardhmja.

Familja Saiti është dëshmi e rrallë e asaj se si dashuria për dijen dhe përkushtimi ndaj kombit mund të kalojnë nga një brez në tjetrin, duke krijuar një urë mes historisë dhe së ardhmes. Drita Sahitit, duke dhuruar stolitë e saj për arsimimin shqip, nuk e pa floririn si një mjet për luks, por si një investim në ndriçimin e mendjes dhe shpirtit të brezave të ardhshëm. Ky akt sublim na rikujton se vlerat e vërteta nuk maten me ar, por me ndikimin që lënë në histori.

Sot, ndërsa djali i saj, profesori Blerim Saiti, vazhdon rrugën e prindërve të tij, ai mishëron filozofinë se dijetari nuk është thjesht një bartës i njohurive, por një udhërrëfyes që përmes përkushtimit të tij trason rrugën për brezat që vijnë. Në një botë ku materializmi dhe interesi shpesh errësojnë idealet, figura të tilla janë dritë e pashuar. E gjithmone klyshet e regjimeve kane sulmuar permes kansleve te tyre keto familje patriotike. Por pas seciles beteje dalim me te forte sepse armiku nuk ka moral, feste dhe nder!

E askush nuk mund te na prishe ditën e 8 Marsit, një ditë reflektimi për rolin e gruas në shoqëri. Nënat, gratë, motrat dhe vajzat nuk janë thjesht pjesë e familjes, por shtylla të pathyeshme të një shoqërie të drejtë dhe të lirë. Të nderosh një grua si Drita Saiti në këtë ditë është një gjest me peshë të thellë simbolike: një kujtesë se sakrifica e gruas është shpesh themelet mbi të cilat ngrihet e ardhmja jonë.

Le të jetë kjo ditë dhe ky moment një thirrje për të gjithë ne që të mos harrojmë përgjegjësinë tonë. Të respektojmë dhe të mbështesim gratë, të nderojmë ata që na trasuan rrugën dhe të punojmë që gjeneratat e ardhshme të mos kenë më nevojë për sakrifica të tilla, por vetëm për mundësi të barabarta dhe dinjitet të garantuar. Gëzuar 8 Marsin!