Zëvendëskryeministri i Malit të Zi dhe lideri i Lëvizjes Qytetare URA, Dritan Abazoviq ka folur sot për mundësinë e krijimit të një qeverie të re, duke deklaruar sot se qëndrimet e këtij fraksioni politik janë të thjeshta.

Ai ka thënë se Fronti Demokratik (DF) i ka akuzuar gjatë gjithë kohës se nuk janë pro riorganizimit të Qeverisë dhe “tani kanë ardhur në atë që thamë”.

Ai tha se do të ishte mirë që sa më shpejt të gjendet një zgjidhje, sepse duhet të miratohen ligje shumë të rëndësishme.

“Unë e respektoj qëndrimin e DF se ne jemi këtu nëse duhet të ulemi për të rënë dakord. Dhe ata erdhën në atë që thamë. Qëndrimi ynë ishte i qartë më parë. Do të ishte mirë të gjejmë një zgjidhje për të mos humbur kohë. Unë e mbështes. Për ta zgjedhur një qeveri të re, dikush duhet ta rrëzojë atë ekzistuese, nuk e di nëse kolegët e mi janë të gatshëm të shkojnë për të”, tha Abazoviq.

Duke komentuar seancën e Komisionit për Siguri dhe Mbrojtje, ai tha se nuk ka shumë risi për çështjen e Cetinjes.

“Ne presim që prokuroria ta bëjë punën e saj”, tha ai.