Mohamed Salah këtë fundjavë theu rekordin e Didier Drogbas sa iu takon golave të shënuar nga një afrikan gjatë një sezoni në Premierë Ligë.

Futbollisti i Liverpoolit para se të arrinte këto shifra të pabesueshme ka kaluar jo pak peripeci. Këtë e vërteton një deklaratë e Drogbas kohë më parë, kur dy futbollistët luanin bashkë te Chelsea. “Ka qenë një kohë kur ai më shkruante mua: ‘Nuk shënoi dot, nuk e di pse’. Unë i thashë: ‘Thjesht është çështje kohe dhe vetëbesimi. Kur ti ke besim, gjithçka mund të ndodhë dhe ju mund të shihni tani që ai po shënon gola”, ka thënë Drogba.