Dua.com organizon peticion për njohjen e Kosovës si shtet nga kompania Google në produktet e saja si Play Store, Youtube, Google Analytics
14 korrik 2023
| 12:05
Meqë mungesa e prezencës online e Kosovës si shtet në platforma botërore është një pengesë në zhvillimin teknologjik, dua.com ka krijuar një peticion për njohjen e Kosovës si shtet nga kompania Google në produktet e saja si Play Store, Youtube, Google Analytics, etj.
- Kosova vazhdon të mbetet i vetmi vend në Evropë që nuk ka qasje të plotë në platforma globale.
- Peticioni që kërkon të vendosë Kosovën në produktet e kompanisë Google ka arritur mijëra nënshkrime deri tani.
- Shtetet e Bashkuara të Amerikës kanë njohur pavarësinë e Kosovës prej vitit 2008, por jo dhe korporatat e mëdha të këtij shteti.
Nismëtari i këtij peticioni, Eduard Luta nga dua.com, ka thënë se:
“Zhvillimi i një biznesi në Kosovë vjen me sfida unike. Përvoja ime në zhvillimin e bizneseve edhe në Zvicër, e ka vënë në pah se me sa probleme bazike ballafaqohen kompanitë ne Kosovë.”
Për më shumë info shikoni linqet në vijim:
Meqë kjo gjë na prek të gjithëve në forma të ndryshme, le të bashkojmë fuqitë tona për të arritur këtë qëllim për Kosovën.
Nëse publikoni këtë artikull dhe peticion, ju lutem linkoni dua.com.
