![](https://www.epokaere.com/wp-content/uploads/2021/08/DUA.jpg)
Dua Lipa sjell fotografi atraktive nga pushimet, eksiton fansat e saj me bikine të vogla
Artistja shqiptare me renome botërore, Dua Lipa, është duke vazhduar t’i shijojë pushimet verore.
Pas Shqipërisë, ajo u nis për në Ibiza të Spanjës bashkë me të dashurin dhe miqtë e saj, për të vazhduar të pushimin e nisur në shtetin amë.
Dua e cila është shumë aktive dhe e ndjekur në rrjetet sociale, ndan thuajse çdo ditë me fansat fotografi dhe video të ndryshme nga jeta e saj e përditshme.
Së fundmi, ajo publikoi në llogarinë e saj zyrtare në Instagram disa imazhe të reja, ku shfaqej mjaft atraktive e veshur me një palë bikini interesante.
25-vjeçarja kishte zgjedhur një palë bikini të bëra me punim dore, të cilat në pjesën e sipërme kishin dizajnin e dy luleve të ndryshme.
Ajo nuk hezitoi që në shumicën e fotografive të vërë në pah figurën e saj të tonifikuar të trupit, e cila vjen si rrjedhojë e përkushtimit të saj në palestër dhe gjenetikës së mirë.
Dua përndryshe së fundmi publikoi bashkëpunimin e saj më të ri me Sir Elton John, të titulluar “Vold Heart”, e cila është pritur mirë nga publiku.