![](https://www.epokaere.com/wp-content/uploads/2023/08/45-1130x635-1.png)
Duam rrugë euroatlantike si për Serbinë ashtu edhe për Kosovën
Kryetarja e Komisionit për Punë të Jashtme në Parlamentin e Britanisë së Madhe, Alicia Kearns, është në mesin e politikanëve që në një letër drejtuar ShBA-së dhe BE-së dhe Britanisë së Madhe, ka bërë thirrje që të jenë më kritikë ndaj presidentit serb, Aleksandar Vuçiq, në lidhje me përshkallëzimin e konfliktit ndërmjet Beogradit dhe Prishtinës.
Kearns në Twitter ka shkruar se është e rrallë që kaq shumë kryetarë të komiteteve të punëve të jashtme të mblidhen bashkë dhe i shprehin shqetësimet e tyre.
“Ne kemi nevojë për diplomaci parandaluese, që të sigurohemi se do të ketë ekuilibër në marrëdhëniet tona dhe të mos përsëritim gabimet e së kaluarës. Është e rrallë që kaq shumë kryetarë të komiteteve të punëve të jashtme të mblidhen për t’i ngritur shqetësimet dhe për të shprehur një angazhim të përbashkët për shpërshkallëzimin”, ka thënë ajo.
Kearns ka shtuar se ata duan një rrugë euroatlantike si për Serbinë ashtu edhe për Kosovën.