Jerzy Dudek beson se Steven Gerrard është kandidati i vetëm serioz për ta zëvendësuar Jurgen Kloppin kur të largohet nga Liverpooli.

“Kur isha në Liverpool kohët e fundit askush nuk e mbajti sekretin e faktit që Steven është kandidati kryesor dhe i vetëm për të zëvendësuar gjermanin kur të vije epoka e tij në ‘Anfield’”, ka thënë Dudek në një intervistë për “Przeglad Sportowy”.

“Të gjithë e dinë që herët a vonë, kapiteni i madh do të kthehet. Jam befasuar që Steven filloi të punojë si menaxher kaq shpejt. Shumica e shokëve të mi të ekipit ose lojtarëve nga e gjithë bota kanë nevojë për kohë para se të kthehen përfundimisht në futboll”, ka shtuar Dudek.