Kryetari i Komisionit Parlamentar për Arsim, Ismajl Kurteshi, ka thënë se nxënësit kanë mbetur pengë të mosmarrëveshjeve në mes të Ministrisë së Arsimit, Shkencës dhe Teknologjisë (MAShT) dhe Sindikatës së Bashkuar të Arsimit, Shkencës dhe Kulturës (SBAShK). 

Sipas tij, këto mosmarrëveshje në mes të këtyre dy palëve janë më tepër çështje inatesh. 

Në këtë intervistë dhënë për gazetën “Epoka e re”, Kurteshi ka thënë se orët e humbura gjatë grevës trejavëshe duhet të zëvendësohen. 

Ai ka vlerësuar se në aspektin ligjor sindikata ka të drejtë por, për hir të nxënësve, duhet të pranojë që t’i zëvendësojë orët. 

Për këtë gjendje të krijuar Kurteshi ka thënë se fajin kryesor e kanë qeveria dhe Ministria e Arsimit madje, sipas tij, do të duhej të jepnin dorëheqje ministri dhe kryeministri.

(Intervistën e plotë mund ta lexoni në numrin e sotëm të gazetës “Epoka e re”)