Skuadra e Dukagjinit është nisur në mbrëmjen e së martës për të mbërritur vetëm gjatë ditës së sotme në Gjibraltar në një udhëtim mjaft të gjatë.

Skuadra nga Klina do ta zhvillojnë ndeshjen kthyese ndaj FC Europas në rrethin e parë kualifikues të Ligës së Konferencës.

Në sfidën kthyese, të besuarit e Armend Dallkut do të hyjnë me epërsinë prej 2-1 të krijuar para një jave në stadiumin “Fadil Vokrri” në Prishtinë. Falë golave të Bujar Shabanit dhe Iljasa Zulfiut, klinasit kanë avantazh para ndeshjes së kthimit.