Miami konsolidon edhe më shumë kreun e renditjes në Konferencën e Lindjes në NBA, pas fitores me rezultat 113-107 në fushën e Brooklyn. Për Nets u rikthye në fushë Durant (31 pikë), por kjo s’mjaftoi për të fituar. Për ekipin nga Florida u dallua Adebayo me 30 pikë e 11 rebound. Vijon momenti negative për Lakersat, që pësuan humbjen e katërt radhazi dhe tashmë

zona “play-off” duket një mirazh. Ata u mundën 132-11 nga Clippersat në derbin e Los Anxhelosit. James realizoi 26 pikë, por që mbetën për statistikë, ndërsa për Clippers u dallua Reggie Jakcosn me 36 pikë. Fiton edhe Dallasi, që mundi me shifrat 122-113 Golden State, që pësoi humbjen e tretë radhazi.

Mbrëmje magjike për Luka Donqiq, autor i 41 pikëve e 10 rebound. Bostoni, falë 37 pikëve të Tatum, mundi me rezultat 120-107 Memphisin, ndërsa Atlanta mposhti 130-124 Chicagon, me Tray Young protagonist, autor i 39 pikëve e 13 asistime.

Rezultatet

Atlanta – Chicago            130-124
Boston – Memphis          120-107
Brooklyn – Miami           107-113
Toronto – Detroit            106-108
Dallas – Golden State      122-113
San Antonio – Sacramento 112-115
Clippers – Lakers            132-111