Ministria e Mjedisit, Planifikimit Hapësinor dhe Infrastrukturës bën të ditur se të gjitha kompanitë e kontraktuara për mirëmbajtjen e rrugëve kanë dalë sot në terren, për shkak të kushteve atmosferike.

Këtë e bëri të ditur zëvendësministri i MMPHI-së, Hysen Durmishi, me anë të një postimi në llogarinë e vet në rrjetin social “Facebook”.

“Me të filluar reshjet e borës në vendin tonë, kompanitë e mirëmbajtjes verore dhe dimërore, të kontraktuara nga MMPHI, kanë dalë në terren për pastrimin e borës në rrugët regjionale, nacionale dhe autoudhë”.

“Ju lutemi që përgjatë kësaj kohe të vozisni me kujdes të shtuar”, ka shkruar zëvendësministri i MMPHI-së, Hysen Durmishi.