Aventura e Shpëtim Duros te ekipi i Laçit zgjati 115 ditë. Eliminimi nga moldavët e Petrocub në raundin e dytë të Ligës së Konferencës ka sjellë ndryshime te nënkampionët e Shqipërisë.

Dejan Zarubica dhe Renato Malota kanë mbyllur bashkëpunimet e tyre me Laçin, teksa është larguar edhe Duro. Tekniku 62-vjeçar mori drejtimin e ekipit kurbinas më 7 prill.

Duro drejtoi ekipin në 15 ndeshje mes kampionatit, Kupës së Shqipërisë dhe Evropës duke regjistruar 6 fitore, 5 barazime dhe 4 humbje.