Bledar Devolli do të zëvendësohet në bankinën e Kamzës nga Klodian Duro, i cili në të shkuarën ka drejtuar skuadrën e Kukësit, duke fituar edhe Kupën e Shqipërisë, që ishte trofeu i parë në histori për verilindorët.

“Klubi bën të ditur akordin me trajnerin Klodian Duro. Prezantimi zyrtar do të zhvillohet të mërkurë në ora 17:00 në ambientet e klubit”, thuhet në njoftimin e KF Kamza.