Është mbyllur numërimi i votave për bashkinë e Durrësit. Edhe kjo bashki sikurse Lushnja, Dibra, Rrogozhina e Vore janë fituar nga Partia Socialiste.

Kandidatja e PS, Emiriana Sako ka marrë 39090 vota, ose 58.46 %. Në vend të dytë renditet, Ardian Muka i “Shtëpisë së Lirisë”, i cili ka marrë 19844 vota ose 29.68 %.

Ndërsa kandidati i Partisë Demokratike, Luan Hoti ka marrë 7928 vota ose 11.86 %.

Partia Socialiste ka fituar pesë bashki, ndërsa Bardh Spahia nga “Shtëpia e Lirisë” po udhëheq bindshëm në Shkodër.