Virgil Van Dijk është futur në vitin e tij të shtatë si futbollist i Liverpoolit dhe ky vit mund të jetë i fundit për të.

Qendërmbrojtësi holandez është futur në vitin e fundit të kontratës dhe ende nuk ka një marrëveshje për rinovimin e saj.

Kapiteni i “The Reds” mund të vendos të largohet në verë si lojtar i lirë nga “Anfield” dhe e ardhmja e tij pritet të jetë në elitën e futbollit italian Serie A.

Dy skuadrat e mëdha italiane, Inter dhe Juventus janë duke e përcjell situatën e holandezit dhe duan ta kenë në radhët e veta.

Për lojtarin ka pasur interesim edhe nga klubet arabe, megjithatë ai synon që të mbetet në futbollin evropian.

33-vjeçari po kalon formë të lartë, megjithatë ai deri më tani nuk ka gjetur marrëveshje me drejtuesit e klubit për një kontratë të re.