Senatorët amerikanë, Chris Murphy dhe Ron Johnson, do të vizitojnë këtë javë Kosovën dhe Serbinë, për të shprehur, siç kanë thënë atë mbështetje për dialogun midis dy vendeve.

Murph senator demokrat dhe Johnson republikan, do të udhëtojnë bashkë me një delegacion të Kongresit që do të vizitojë Rusinë, porse atyre dy Moska ua ka ndaluar hyrjen.

“Rusia nuk na lejon brenda, por Ron Johnson dhe unë do të vizitojmë Ukrainën, Serbinë dhe Kosovën këtë javë, për të dëshmuar mbështetjen dypartiake për Qeverinë e re të Ukrainës dhe për dialogun e vazhdueshëm midis Beogradit dhe Prishtinës”, ka shkruar Chris Murphy në llogarinë e vet në “Twitter”.

Vizita e tyre në Ballkan vjen në kohën kur flitet për përfshirje më të madhe të ShBA-së në dialogun midis Kosovës dhe Serbisë për normalizimin e marrëdhënieve.