Shkolla Fillore “Ali Kelmendi” dhe SHFMU “Andon Zako Çajupi” në Vushtrri si shkak i rasteve të infektimit me Covid-19, nga dje kanë kaluar nga skenari A në skenarin C (mësim online) për dy javë.

Lajmi është bërë me dije përmes njoftimit të këtyre shkollave në faqet e tyre “Facebook”.

SHFMU “Andon Zako Çajupi” ka njoftuar se kanë të konfirmuar nëntë raste me Covid-19, raporton “Epoka e re”.

Të dy këto shkolla janë mbyllur duke marrë për bazë rekomandimin e Ministrisë së Shëndetësisë dhe të Institutit Kombëtar të Shëndetit Publik në Kosovë.