Dy të vdekurit në Suharekë ishin bashkë në motor, dyshohet se i përkasin moshës së re
Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.
Një aksident tragjik me dy të vdekur ka ndodhur pasditën e sotme në Shirokë të Suharekës.
Aksidenti ka ndodh ndërmet një motori dhe një veture dhe për pasojë dy persona kanë mbetur të vdekur.
Viktimat kanë qenë të dy në motor, dhe dyshohet se janë të moshës së re. Të dy siç mëson Gazeta Sinjali janë nga Prizreni.
Ndërsa, siç bëjnë të ditur sinjalizuesit e Gazetës Sinjali, shoferi i veturës është duke e marrë ndihmën mjekësore në Spitalin e Prizrenit.
Policia e rajonit të Prizrenit ende nuk ka dhënë detaje tjera për rastin pavarësisht interesimit të Gazetës Sinjali.
