Kryetari i komunës së Deçanit,  Bashkim Ramosaj, ka bërë me dije se sot do të mbajë konferencë për media për situatën e krijuar rreth helmimit të qytetarëve të kësaj komune.

“Të nderuar përfaqësues të mediave të shkruara dhe elektronike , ju njoftoj se për situatën e krijuar rreth helmimit të qytetarëve të komunës sonë, sot, në ora 14:00 do të mbajë konferencë për media, në objektin e komunës. Gjithë̈ të interesuarit rreth kësaj teme, jeni të ftuar të jeni pjesë e kësaj konference!”, ka shkruar Ramosaj në profilin e tij në “Facebook”.

KRU “Hidrodrini” sot ka njoftuar se janë në pritje të rezultateve pas dërgimit të mostrave të ujit për analiza.

Kjo kompani ka theksuar se deri në arritjen e rezultateve konsumatorët e fshatrave mos ta përdorin ujin për pije.