Një therrje me thikë dyshohet se ka ndodhur sonte rreth orës 21:20 në rrugën “Luan Haradinaj”, ku si pasojë janë lënduar dy persona.

Rastin për Reporteri.net e ka konfirmuar zëdhënësja e Policisë për Rajonin e Prishtinës, Florie Ahmeti.

Ahmeti ka bërë me dije se është identifikuar i dyshuari dhe se është në kërkim nga ana e policisë.

“Sot rreth orës  21 :20, kemi marrë informatën për një  lëndim trupor të ndodhur në rrugën “Luan Haradinaj” në Prishtinë. Bazuar në të dhënat fillestare, në këtë rast nga një mjet i mprehtë janë lënduar dy persona  Të lënduarve u është ofruar trajtim mjekësor, ndërkohë që policia ka nisur një hetim lidhur me rrethanat e këtij rasti.  Lidhur me  rastin në fjalë është identifikuar një person i dyshuar i cili është në kërkim nga ana e policies”, ka deklaruar Ahmeti.