Mauro Icardi dëshiron të rikthehet në Itali dhe Juventusi është destinacioni i tij i preferuar. Icardi në Paris nuk arriti kurrë të linte gjurmë, për këtë arsye kërkon të rikthehet sërish në Serinë A.

Roma, gjithashtu, është e interesuar për shërbimet e sulmuesit argjentinas, por në mendjen tij ekziston vetëm Juventusi. Kjo mbetet një tratativë e vështirë, por sigurisht jo e pamundur. E ardhmja e Icardit është e lidhur ngushtë me atë të dy yjeve të tjerë, Kylian Mbappe dhe Cristiano Ronaldo.

Nëse Mbappe largohet nga PSG atëherë klubi francez do të përpiqet ta afrojë Ronaldon. Për të arritur te portugezi, Leonardo është i gatshëm të sakrifikojë Icardin, një lojtar që përfiton 9 milionë euro neto, shifër të cilën vetëm Juve mund ta përballojë, mbi të gjitha nëse largohet Ronaldo. Sipas “Corriere dello Sport”, përfaqësues të Icardiy kanë zbarkuar në Torino përpara disa ditësh për të kuptuar nëse Allegri do ta preferonte në skuadër.