E bija e Jakup Krasniqit, fjalë emocionuese për babanë
01 dhjetor 2020
| 11:42
Gresa Krasniqi, e bija e ish-kryetarit të Kuvendit të Kosovës Jakup Krasniqit, ka bërë një shkrim emocional për babanë, i cili gjendet në Hagë pas aktakuzës së ngritur nga Dhomat e Specializuara.
Në profilin e saj në “Facebook”, ajo sot ka shkruar për një festë të rëndësishme në familje, 29-vjetorin e martesës së prindërve.
Gresa ka shkruar se po vazhdojnë ta presin me padurim dhe të festojnë për dashurinë e tyre.
Postimi i plotë i Gresa Krasniqit:
Babi,
Sot, po festojmë 29 vjetorin e martesës tënde dhe mamit. Madje, i’a kemi dhuruar edhe buqetën me lule që ti gjithmonë i’a dhuron.
Sot po festojmë, e pranë nesh, ndonëse me trup jo, je dhe ti në zemrat dhe mendjet tona.
Po festojmë për ty, për dashurinë tuaj!
Të presim me padurim