Trajneri i Ajaxit, Erik ten Haag ka folur për mundësinë që t’i bashkohet skuadrës se Bayern Munchen.

Ai ka thënë se nuk do të largohet në këtë edicion nga skuadra holandeze, ani pse e vlerëson shumë skuadrën gjermane.

“Bayerni është një ekip fantastik, e kam shijuar shumë kohën time atje. Ka një vend të veçantë në zemrën time. Por tani jam te Ajax dhe këtu jam i përqendruar. Nesër kemi një ndeshje ndaj Chelsea dhe kjo ka rëndësi. Kam një marrëdhënie shumë të mirë me lojtarët e mi dhe ju konfirmoj që këtë sezon do qëndroj këtu”, ka thënë Erik Ten Haag.

/Epoka e re/