Një lajm aspak i mirë për adhuruesit e futbollit në Kosovës ka ardhur të premten nga futbollisti Lorik Aliu, i cili ka deklaruar se do ta varë atletet në gozhdë.

Një nga talentet më të mëdhenj e mori një vendim  të tillë, pas shumë lëndimeve që e përcjellën në karrierën futbollistike. “Kam vendosur që përfundimisht t’i jap fund karrierës time si futbollist aktiv, për shkak të lëndimeve të shumta duke e cilësuar si vendimin më të drejtë”, ka shkruar Aliu në profilin e vet në “Facebook”.

Postimi i plotë i Aliut:   

Familjarë, shoqëri, dashamirë të futbollit!

Po shfrytëzoj këtë postim për t’ju dhënë një lajm jo të mirë për mua dhe të gjithë ata që më projektuan në majat e sportit më të bukur, FUTBOLLIT.

Kam vendosur që përfundimisht t’i jap fund karrierës time si futbollist aktiv, për shkak të lëndimeve të shumta duke e cilësuar si vendimin më të drejtë.

Është tejet e vështirë që të vendos atletet në gozhdë, pasi që ëndrra më e madhe e jetës time u ndërpre e u shua shumë shpejt.

Ëndrra për tu bërë futbollist profesionist i nivelit të lartë, do ngelet në sirtarin tim, si e parealizuar përjetësisht.
Dua që t’ju falenderoj të gjithëve që më qëndruat afër nga dita e parë e deri sot, dhe bashkëndjetë me mua dhimbje, zhgënjime e triumfe, por fati deshi të përfundonte kështu.
Shihemi në sfida të reja!

(Epoka e re)