![](https://www.epokaere.com/wp-content/uploads/2024/09/8a4a1ce_gdn-climate-change-germany-protests-1008-11.jpg)
E djathta ekstreme drejt fitores së parë që nga Lufta e Dytë Botërore në Gjermani
Partia e së djathtës ekstreme, Alternativa për Gjermaninë, është në rrugën e fitores së zgjedhjeve lokale në Tyringen, sipas exit poll-eve. AfD do të fitojë 30.5% të votave, thotë exit poll për transmetuesin publik ARD, gjashtë pikë përpara CDU-së konservatore dhe shumë përpara tre partive qeverisëse të Gjermanisë.
Nëse rezultatet paraprake konfirmohen, kjo do t’i jepte të djathtës ekstreme fitoren e parë në Parlament që nga Lufta e Dytë Botërore, megjithëse nuk ka gjasa të jetë në gjendje të formojë një qeveri në Tyringen. AfD është gjithashtu afër CDU-së konservatore në zgjedhjet në Saksoni.
Sondazhi rendit CDU-në me 31.5% dhe AfD-në me 30% në Saksoni, përsëri shumë përpara tre partive që drejtojnë qeverinë kombëtare. Kandidati kryesor i AfD-së në Tyringen, Björn Höcke, është një figurë shumë e diskutueshme në Gjermani. Rezultatet në Saksoni dhe Tyringen pritet të jenë katastrofike për tre partitë në pushtet në koalicionin e qeverisë së kancelarit Olaf Scholz.