Ministri i Mjedisit, Planifikimit Hapësinor dhe Infrastrukturës, Liburn Aliu, ka folur lidhur me reciprocitetin për targat dhe dokumentet e udhëtimit. Ai ka thënë se nga e kaluara raporti me Serbinë ka ndryshuar.

Sipas tij, ka përparim. Ai përmendi faktin e rezolutës së miratuar nga Parlamenti Evropian, në të cilën thuhet se dialogu mes Kosovës e Serbisë duhet të përfundojë me njohje reciproke.

“Njohjen e ndërsjellë e kemi futur në qendër të dialogut, që është një hap tejet i rëndësishëm”, tha ministri Aliu.

Ai përmendi se njohja reciproke është thelbi i dialogut.

“Takime mes kryeministrit Kurti dhe Lajçakut, për një përpjekje për marrëveshje ka, por nuk mund të them a do të ketë, sepse është një çështje që nuk jam marrë thellësisht”, tha Aliu.